პროდუქცია

კარიპაზიმი - რუსეთის ფედერაცია

კარიპაზიმი - რუსეთის ფედერაცია

მცენარეული წარმოშობის პროტეოლიზური ფერმენტების კომპლექსი, რომელიც ნესვის ხის (პაპაიას) უმწიფარი ნაყოფების რძე-წვენიდანაა მიღებული. პრეპარატის აქტიური კომპონენეტებია: პაპაინი, ქიმოპაპაინი A, ქიმოპაპაინი B, პეპტიდაზები A და B, აგრეთვე, მუკოლიზური ფერმენტი ლიზოციმი.

რეგისტრაციის მოწმობარეგისტრაციის მოწმობა
პრეპარატის გამოყენების ინსტრუქცია

კარიპაზიმი

სავაჭრო დასახელება:

კარიპაზიმი

საერთაშორისო არაპატენტირებული დასახელება: -

წამლის ფორმა:

ლიოფილიზირებული ფხვნილი გარეგანი გამოყენების ხსნარის მოსამზადებლად

შემადგენლობა:

ნესვის ხის Carica papaya L., papaev ოჯახის - Caricaceae- ს პროტეოლიზური აქტივობის 350 PE- ით მიღებული ფერმენტები: პაპაინი, ქიმოპაპაინი A, ქიმოპაპაინი B, პეპტიდაზა A და B, მუკოლიზური ფერმენტი - ლიზოციმი.

აღწერილობა:

თეთრი-მოყვითალო ფერის ლიოფილიზირებული ფხვნილი ან ფოროვანი მასა, სუსტი სპეციფიკური სუნით.

ფარმაკოთერაპიული ჯგუფი:

პროტეოლიზური საშუალება

ათქ-კოდი: [D03B]

ფარმაკოლოგიური მოქმედება:

გარეგანი პროტეოლიზური საშუალება. პრეპარატი შლის დანეკროზებულ ქსოვილებს და ბლანტ სეკრეტებს, ექსუდატებსა და სისხლის კოლტებს ათხიერებს. მოქმედებით გავს ქიმოტრიპსინს და ტრიპსინს.

ფარმაკოკინეტიკა:

გარეგანი გამოყენებისას პრეპარატი არ შეიწოვება და არ გააჩნია ორგანიზმზე სისტემური ზეგავლენა. კარიპაზიმის შემადგენლობაში შემავალი ფერმენტები იშლებიან და მთლიანად ბიოტრანფორმირდება ღვიძლში.

გამოყენების ჩვენებები:

III ხარისხის  დამწვრობები ფუფხის  მოცილების  დასაჩქარებლად და ჭრილობებში გრანულაციური ქსოვილის გასასუფთავებლად ჩირქოვან-ნეკროზული ნარჩენებისაგან;

უკუჩვენებები:

პრეპარატის მიმართ მომატებული ინდივიდუალური მგრძნობელობა; ორსულობა, ლაქტაციის პერიოდი;

გამოყენების წესი და დოზები:

დამწვრობებზე და ინფიცირებულ ჭრილობებში კარიპაზიმს იყენებენ ხსნარების სახით, კონცენტრაციით 17,5 პე/მლ, 35 პე/მლ და 70 პე/მლ ფუფხის სისქის შესაბამისად. ხსნარები მზადდება ხმარების წინ, 0,5 % ნოვოკაინის ან ნატრიუმის ქლორიდის იზოტონურ ხსნარებზე. პრეპარატის ხსნარით გაჟღენთილ საფენს ადებენ დამწვრობის ზედაპირზე და ტენგაუმტარ ნახვევს აფარებენ. ერთდროულად სხეულის ზედაპირის არა უმეტეს 30 % ამუშავებენ. ნახვევს უცვლიან ორ დღეში ერთხელ ან დღე-ღამეში, ამასთან აშორებენ დანეკროზებულ ქსოვილებს. მკურნალობის კურსი 4 - 12 დღე.

გვერდითი ეფექტები :

ალერგიული რეაქციები

დოზის გადაჭარბება არ არის გამოვლენილი.

ურთიერთმოქმედება სხვა სამკურნალო საშუალებებთან:

კლინიკური მნიშვნელობის ურთიერთმოქმედება სხვა სამკურნალო საშუალებებთან არ არის დადგენილი.

განსაკუთრებული მითითებები:

პრეპარატი არ ახდენს ნეგატიურ გავლენას ავტომანქანის ტარების უნარზე, მექანიზმებთან მუშაობაზე.

გამოშვების ფორმა:

350 პე ლიოფილიზირებული ფხვნილი გარეგანი გამოყენების ხსნარის მოსამზადებლად. თითოეული ფლაკონი ინსტრუქციასთან ერთად მოთავსებულია მუყაოს ყუთში.

შენახვის პირობები:

მშრალ, სინათლისაგან დაცულ ადგილას +2°C -დან +8°C -მდე ტემპერატურაზე.

 შეინახეთ ბავშვებისგან მიუწვდომელ ადგილას.

ვარგისობის ვადა:

2 წელი. არ გამოიყენოთ პრეპარატი შეფუთვაზე მითითებული ვარგისობის ვადის ამოწურვის შემდეგ.

გაცემის რეჟიმი: რეცეპტით.

მწარმოებელი:

სსიპ თსსუ იოველ ქუთათელაძის ფარმაკოქიმიის ინსტიტუტი

მისამართი: საქართველო, თბილისი 0159, პ. სარაჯიშვილის ქ. №36

ტელეფონი: 253-14-94,  252-19-04

ელ-ფოსტა: ikip@tsmu.edu

ვებ-გვერდი: www.ikip.tsmu.edu