კ ა ვ ს უ რ ო ნ ი - CAUSURONUM

სავაჭრო დასახელება:
კავსურონი-Causuronum
კლინიკურ-ფარმაკოლოგიური ჯგუფი:
ამოსახველებელი და ბრონქოსპაზმოლიზური საშუალება.
წამლის ფორმა:
50 მლ შიგნით მისაღები წვეთები, მუქ ნარინჯისფერ პოლიმერული მასალის ფლაკონში.
შემადგენლობა:
„კავსურონი” (Causuronum) მცენარე კავკასიური ანუ ჩვეულებრივი სუროს (Hedera caucasigena seu H. helix) ფოთლების თხევადი სპირტწყლიანი წვეთებია. შეიცავს ტრიტერპენულ საპონინებსა და ფლავონოიდებს.
100 მლ-ზე:
ჩვეულებრივი სუროს ფოთლები - 10 გ
ეთილის სპირტი 96% - 40 მლ
გამოხდილი წყალი -100 მლ თხევადი ექსტრაქტის მიღებამდე
აღწერა: გამჭვირვალე ან სუსტი ოპალესცირების მოყვითალო - ყავისფერი სითხე, სპეციფიკური სუნით, მომწარო გემოთი.
ათქ კოდი: [R05CA]
ფარმაკოლოგიური თვისებები :
ახასიათებს ხველების საწინააღმდეგო მოქმედება სასუნთქი გზების დაზიანების დროს, გააჩნია გამოხატული ამოსახველებელი და ბრონქოსპაზმოლიზური თვისებები.
გამოყენების ჩვენებები:
მწვავე და ქრონიკული ბრონქიტები, მწვავე რესპირატორული ვირუსული ინფექციები, ყივანახველა, ბრონქული ასთმა და ბრონქოსპაზმით მიმდინარე სხვა დაავადებები. პრეპარატი შეიძლება დაინიშნოს კომბინაციაში სხვა ბრონქოლიზურ საშუალებებთან ერთად.
გამოყენების წესი და დოზები:
გამოიყენება შიგნით მისაღებად წვეთების სახით, მცირე რაოდენობა წყალთან ერთად.
3-დან 5 წლამდე ასაკის ბავშვები: 8-10 წვეთი 3-5-ჯერ დღეში;
5 წლის ზევით: 20 წვეთი 3-5-ჯერ დღეში;
მოზრდილები: 40 წვეთი 4-5-ჯერ დღეში.
მკურნალობის კურსი 12 დღემდე.
გვერდითი ეფექტები და სიფრთხილის ზომები:
არ არის დადგენილი.
პრეპარატი გამოიყენება სიფრთხილით: ორსულობის, ლაქტაციის პერიოდში, ხანდაზმულობის ასაკში და პაციენტებში სხვადასხვა სახის პათოლოგიით.
გვერდითი ეფექტების გამოვლენის შემთხვევაში მიმართეთ მკურნალ ექიმს ან ფარმაცევტს.
უკუჩვენებები:
ჰიპერმგრძნობელობა პრეპარატის კომპონენტების მიმართ.
დოზის გადაჭარბება:
არ არის გამოვლენილი.
ურთიერთმოქმედება სხვა სამკურნალო საშუალებებთან:
კლინიკური მნიშვნელობის ურთიერთმოქმედება სხვა სამკურნალო საშუალებებთან არ არის დადგენილი.
მკურნალობის პერიოდში არ არის სასურველი თამბაქოსა და ალკოჰოლის გამოყენება.
განსაკუთრებული მითითებები:
მოარიდეთ ბავშვებს;
შენახვისას შესაძლებელია მცირე რაოდენობის ნალექის გამოყოფა;
მიღების წინ შეანჯღრიეთ;
პრეპარატი არ ახდენს ნეგატიურ გავლენას ავტომანქანის ტარების უნარზე;
მექანიზმებთან მუშაობაზე;
ვიზუალური დათვალიერების შედეგად აღმოჩენილი დეფექტის შემთხვევაში პრეპარატის მიღება დაუშვებელია.
შენახვის პირობები:
ინახება მშრალ, გრილ ადგილას.
ვარგისობის ვადა:
3 წელი. ვარგისობის ვადის ამოწურვის შემდეგ პრეპარატის გამოყენება დაუშვებელია.
გაცემის რეჟიმი:
ჯგუფი III – გაიცემა რეცეპტის გარეშე
მწარმოებელი ქვეყანა და კომპანია:
სსიპ „თსსუ-ს იოველ ქუთათელაძის ფარმაკოქიმიის ინსტიტუტი“
მის.: საქართველო, თბილისი 0159, პ. სარაჯიშვილის ქ. #36
ტელ.: 253-14-94, 252-19-04; ფაქსი: 252-00-23
ელ-ფოსტა: tsmu-ikip@.net; ვებ-გვერდი: http://ikip.tsmu.edu